第二屆獲資助個案

【上門煮意 Door to Cook】

「多謝呢個平台比機會我,讓我嘅愛好可以用得其所。」─「上門煮意」基層婦女職員。

該名員工係香港一直從事會計師事務所既文員,係小朋友出世後就離開職場多年,變成全職媽媽,佢都無諗過多年後會得到機會從事「上門煮意」嘅廚師,有彈性工作時間,可以用自己嘅長處之外,仲繼續有時間照顧小朋友,認識其他婦女。

 

「上門煮意」係我地第二屆獲審批嘅原型項目,為不同種族婦女或低收入家庭婦女提供培訓和工作機會,讓她們善用自己已具備的才能成為兼職上門廚師,讓顧客一家人安坐家中,就可以享用到各地的地道佳餚  。項目提供嘅培訓包括溝通技巧以及上門廚師嘅注意事項,同時,會建立一個網站,提供有關廚師及其菜單嘅資訊,並接受網上訂單。完成培訓嘅兼職上門廚師會預先購買食材,然後係顧客家中烹煮菜餚。在烹調過程中,廚師可以同顧客分享她們嘅故事,從而增強自信心同溝通技巧。此外,靈活嘅工作時間有助她們係賺取額外收入同照顧家人之間取得平衡。

【告別衣戀博物館 遺物整理與轉化】

「思念媽媽係一個愛嘅表達……流淚都係懷念嘅眼淚同埋有最多係愛嘅成分」─「遺物轉化」工作坊參加者。

參加者從來無遺棄任何一件逝者嘅物品,感覺就好似逝者一直係自己身邊陪住佢成長咁。

 

「告別衣戀博物館 遺物整理與轉化」創辦人表示傳統華人社會會認為死者嘅遺物有不詳嘅意頭,唔應該保留係身邊,「告別衣戀博物館 遺物整理與轉化」希望改變呢種想法,希望可以透過改造遺物,連繫逝者同在生者之間嘅關係。

 

項目會舉行「遺物轉化」工作坊,提高大眾對生死教育嘅認識、幫助喪親者應對悲傷,提供工作機會予來自低收入家庭嘅婦女。「告別衣戀博物館 遺物整理與轉化」鼓勵喪親者將親人嘅衣服重新縫製成其他產品(例如攬枕或鑰匙包),從中向他們提供生死教育。同時會向低收入家庭嘅婦女提供關於生死教育同縫紉技能嘅培訓,完成培訓後,佢地將獲聘協助社工舉行工作坊。